Avropa Parlamentinin Ümumi Yığıncağında “Avropanın Vahid Səması” ilə əlaqədar hazırlanan hesabat qəbul edildi. AP Xristian Demokrat Qrupu üzvü Rumıniyalı məruzəçi Marian-Jean Marinescun tərəfindən hazirlanmış hesabat Avropa hava nəqliyyatı sektorunun liberallaşması istiqamətində əhəmiyyətli bir addım hesab olunur və “Vahid Avropa Səması (SES II)” Qanunu ilə Avropa aviasiyasının daha effektiv idarə olunmasına, reyslərin daha qısaldıması, yanacaq istehlakının azaldılması gözlənilir.
Bu ərəfədə yer üstü nəqliyyatın da inkişafı istiqamətində fəaliyyətlər həyata keçirilir. Beynəlxalq Yol Nəqliyyat Birliyi (IRU) Yeni Avrasiya Yer Nəqliyyatı Təşəbbüsü (NELTI) haqqında konfrans təşkil etmişdir. 25 mart tarixində Polşada təşkil olunan Konfransın əsas müzakirə obyekti “İpəyin Yol”nun canlandırılması, bunun qlobal iqtisadi böhranın vaxtlarında yol nəqliyyatı üçün yeni imkan pəncərəsi hesab olunması olmuşdur. Konfransa qoşulan təqribən 150 iş adamı və dövlət nümayəndələri iqtisadi böhran dövrlərində bütün Avrasiya istiqamətli fəaliyyətlərin genişləndirilməsinin zəruri olduğu barədə ortaq mövqeyə gəlmişlər.