Dünyanın ən böyük təyyarə istehsalçılarından Airbus tərəfindən, Çinin şimal liman şəhəri Tiancindəki son tamamlama işlərindən sonra, Airbus 320 model təyyarənin müştəriyə təslim edildiyini açıqladı.

Mərasimdə danışan Airbus Şirkətinin rəhbəri Tom Enders, təyyarənin Avropa xaricində uçuşa hazır olması həm Çin havaçılıq sənayesi, həm də Çin ilə olan strateji əlaqələrdə böyük əhəmiyyət daşıdığını söylədi. Avropa xaricində ilk dəfə son montajı edilən A320, Pekin mərkəzli Dragon Havaçılıq Kirayəyə götürmə şirkəti başçısı tərəfindən təslim alındı və təyyarənin Siçuan Hava yolları tərəfindən kirayəyə götürülüb istifadə olunacağı ifadə edildi.

Təyyarənin maliyyəsi Çin İxracat İdxalat Bankı tərəfindən ödənilib. Bu model təyyarə, 18 Mayda dörd saatlıq bir sınaq uçuşunu müvəffəqiyyətlə tamamlamışdı.

Airbus səlahiyyətliləri, Çindəki Son Montaj Xəttindəki istehsalın zamanla sürətlənəcəyini və 2011 sonu etibarilə aylıq dörd təyyarə tutumuna çatacağını ifadə etdi.