Aprelin 6-da Bakı şəhərində Nəqliyyat əməliyyatlarının intellektual idarə edilməsi mərkəzinin təməli qoyulub. 2010-cu ilin may ayınadək tikilib təhvil verilməsi planlaşdırılan bu Mərkəz vasitəsi ilə Bakı və ətraf yaşayış məntələrində nəqliyyat vasitələrinin, o cümlədən naviqasiya sistemi vasitəsi ilə avtobusların hərəkətini izləmək və tənzimləmək mümkün olacaq.
Təməl qoyma Mərasimində Azərbaycan Respublikasının Prezidenti cənab İlham Əliyev də iştirak edib. Prezident İlham Əliyev həmin gün paytaxtın Heydər Əliyev prospektində avtomobil tunelinin və Ağa Nemətulla küçəsinin kəsişməsində yerləşən tunel tipli yol ötürücüsünün açılış mərasimlərində də iştirak edib.